சின்ன அண்ணன் அடிச்சான்னு சொன்னாளே

She Said Little Brother Hit Her

ஆச்சிக்கு ஏழு ஆம்பளப் புள்ளைங்க; ஒரு பொண்ணு இல்லையேன்னு ஏக்கம். ஒரு சாமியார் குடுத்த எட்டு மிளகுல ஒண்ணு குட்டிப் பொண்ணா மாறுது. அந்தப் பொண்ணு அண்ணன் மேல சொன்ன ஒரு சின்னப் பொய், பெரிய சோகமா மாறுது; அதை உண்மையும், ஒரு அதிசய ரோஜாச் செடியும்தான் சரி பண்ணுது. உண்மை சொல்றது, மன்னிப்புக் கேக்கிறது, மன்னிக்கிறது பத்தின ஒரு மென்மையான கதை, அஞ்சு பாட்டுங்களோட.

கதையை வீட்டுக்குக் கொண்டு போங்க

படக் கதைப் புத்தகங்கள்

ஒவ்வொரு கதையும் அச்சுப் புத்தகமா, உள்ள பாட்டு வரிகளோட.

விரைவில்

வண்ணம் தீட்டும் புத்தகங்கள்

புத்தகப் படங்களோட கோட்டோவியங்கள்: வண்ணம் தீட்ட, வரைஞ்சு பழக.

விரைவில்

பரிசுப் பொருட்கள்

பாட்டி, வாளை மீன், ரோஜாச் செடி படம் போட்ட பை, கப், டி-ஷர்ட்.

விரைவில்

பாட்டுங்க

வாளை மீன் பாட்டு

வாளையண்ணே வாளையண்ணே வழிகாட்டு வாளையண்ணே ஆழமான ஏரியில அக்கரைக்கு வழிகாட்டு சின்ன அண்ணன் வயலுக்கு சோறு கொண்டு போறேனண்ணே வரும் போது உனக்குச் சோறு வயிறார தாரேனண்ணே

பூ கேக்கும் பாட்டு

ஊரு ஒலகத்துல ஒரு பூவும் பூக்கலையே நாடு நகரத்திலே நல்ல பூ விக்கலையே தங்கச்சி கொண்டைக்கு தாழம்பூ வேணுமடா தாலி கட்டும் வேளைக்கு மல்லி முல்லை வேணுமடா மாலை கட்ட ரோஜாப்பூ மனசார நீ குடுடா மயக்கும் செண்பகப்பூ மறுக்காம நீ குடுடா

ரோஜாச் செடியின் பதில்

சின்ன அண்ணன் அடிச்சான்னு சொன்னாளே நெட்டூரி நெட்டூரி கொண்டைக்கி நிறக்குமோ எம் பூவு காந்தாரி கொண்டைக்கி கணக்குமோ எம் பூவு எம் பூவ தரமாட்டேன் எந்நாளும் தரமாட்டேன்

தங்கச்சியின் மன்னிப்புப் பாட்டு

வாளையண்ணே அடிச்சதையே வந்ததுமே சொல்லலண்ணே சின்ன அண்ணே அடிச்சான்னு சொன்னதெந்தன் தப்புதாண்ணே தப்பை நீ பொறுத்திடணும் தவறேதும் செய்யமாட்டேன் பிழையை நீ பொறுத்திடணும் பொய் இனிமே சொல்லமாட்டேன் தெய்வமாய் வந்து நீயும் திருமணத்தை நடத்திடண்ணே

ரோஜாச் செடியின் வாழ்த்து

அழுதிடாதே என் தங்கே அண்ணன் நான் பூ தாரேன் அறியாம செஞ்ச பிழையை அறவே நான் மறந்திடுறேன் செவத்த புள்ள கொண்டைக்கு செண்பகப்பூ நான் தாரேன் கலியாண மாலைக்கு கை நெறைய பூ தாரேன் தப்பேதும் செய்யாம தழைச்சு நீ வாழ்ந்திடணும் பொய்யேதும் சொல்லாம பொலிவா நீ வாழ்ந்திடணும்